الثلاثاء، 29 ديسمبر، 2015

بلاية وداع مثل الماي من ينشف

ختامها مسك وعنبر
صورة للفنان الشهيد صباح السهل / من أهالي محافظة ذي قار / الشطرة / اعدمه النظام الصدامي الحاقد عل كل القيم والإنسانية...
بلاية وداع
مثل العود من يذبل ....بلاية وداع
ومثل الماي من ينشف .......بلاية وداع
تدريني هرش واوجرت بية الكاع
يا رخص العشك من ينشره وينباع
جنت بليل المحبين ....شلذ اسمك على الخاطر
وجان الشوك بيك رسوم .. حلوة ..ولهفة مسافر
وجنت وياك
خلك الكاع للكيض .... وصبر شاعر
وبلا جلمة التنكال
كل ذاك الفرح ينشال
وظنون المحبة تظل بلاية وداع
يا رخص العشك من ينشره وينباع
شلون الماي......
يكدر ينكر اجروفة
شلون العين تكدر .....شوفها تعوفه
وابو جفوف الحنينة.... شلون يرضى
اتبيعنا جفوفه ......
وبلا جلمة التنكال
كل ذاك الفرح ينشال
وظنون المحبة تظل بلاية وداع
يا رخص العشك من ينشره وينباع


                                                  

ليست هناك تعليقات:

إرسال تعليق