ينجوم صيرن گلايد.... ياگمر شذرة
صوغت ولف للولف يضون على صدره
ياجوري طرز الدرب واشبج على العبره
بلجن يمر الترف عن حالتي تخبره
گله الليالي انتهن بربوعن الخضره
يسأل عليك النهر والليل والگمرة
گلبي ابتشر من گضن ايامن المرة
ينجوم هيجي العشگ لو بس انه الخسران
براس الشليلة اصبحت وحجاية بالديوان
هب يا نسيم الصبح خلي يرگص الريحان
تبخل بمزنة مطر على الورد يا نيسان
ايام عمري حلت مر ياورد مرة
ليست هناك تعليقات:
إرسال تعليق