{ الموضوع منقول }
يذكر المتهم برزان ابراهيم مدير المخابرات لنظام الطاغية، أن المخابرات لم تتدخل بالشأن العراقي الداخلي، ولم تمارس يوميا ملاحقة أو معـاقبة أحد.هذه الوثائق تدحض ما قاله المجرم برزان، فهذا الفنان صباح السهل قد حكم عليه في المخابرات ونفذ فيه حكم الاعدام فيما يسمى بالحاكمية.ولندع الوثائق تتحدث..
تشير الوثيقة التي حصلت عليها ” الصباح “الصادرة من رئاسة جهاز المخابرات، الى أنه تم القاء القبض على المتهم صباح محسن محمد والمعروف بالاسم الفني صباح السهل. من قبل جهاز الامن الخاص، بتاريخ 4 / 4 / 1993 ، ثم اودع في سجن المخابرات ، وسبب التهمة كما مبين في الامر الاداري الصادر من رئاسة المخابرات السري هو تهجمه على شخص الرئيس المخلوع وعائلته والقيادة السياسية .نورد هنا قصة احدى ضحايا ابشع نظام استبدادي عرفه التاريخ الحديث والقديم. فلم تسلم من شره وظلمه، شرائح المجتمع كافة، وهذه المرة وقع بطش النظام على احد الفنانين المعروفين للسانه وذاكرته، في كشف الكثير من الحقائق والاسماء ، التي سنوردها لاحقاً، وقد اعترف ان الكلام بصوته ، لان الخطة كانت محكمة، على ضياعه واعدامه، لكنه كرر انه كان في حالة سكر، ومثلما هي مدونة بملف التحقيق الذي اجراه اياد طه شهاب، لكن الفدان الذي تبرع به للمعركة لم ينفع، كما لم تنفع توسلاته بطلب الرحمة من الرئيس السابق. وكان الفنان صباح السهل يؤكد في اكثر من مرة في التحقيق بان هذا الكلام تفوه به في بيته وامام زوجته فقط .
قرار الاعدام تشكلت محكمة المخابرات ببغداد بتاريخ 2 / 5 / 1993 برئاسة القاضي ابراهيم سهيل نجم وعضويه راضي سعد احمد وصلاح مهدي كريم المأذونين بالقضاء واصدرت قرارها الاتي:القرار: حكمت المحكمة على المدان صباح محسن محمد حسين السهل بالاعدام شنقاً حتى الموت استناداً لاحكام المادة” 225 “ من قانون العقوبات الشق الثاني الفقرة الاولى، مع احتساب مدة موقوفيته اعتباراً من 4 / 4 / 1993 ولغاية 3 / 5 / 1993 ومصادرة امواله المنقولة وغير المنقولة .
الذي يدقق النظر بتاريخ اعتقال صباح السهل وهو يوم 4 / 4 / 1993 وصدور حكم الاعدام وهو بتاريخ 2 / 5 / 1993 سيجد ان المدة بين استجماع فصول التحقيق في جهاز المخابرات وتشكيل المحكمة واصدار الحكم، هو مدة شهر واحد فقط، لان التهجم على شخص الرئيس بألفاظ نابية تعد في عرف النظام السابق جريمة لاتغتفر، ومن الكبائر ، التي تؤدي بصاحبها الى حبل المشنقة، لذلك طويت صفحة الفنان السهل بشكل سريع وسهل ايضاً، ليس هذا فحسب بل مصادرة امواله المنقولة وغير المنقولة، وماهو المبرر القانوني، لشخص اساء بالكلام الى الرئيس السابق بمصادرة امواله المنقولة وغير المنقولة ؟
نص الادانة ورد نص الادانة للفنان صباح السهل، التي تم تفريغها من الشريط المسجل، وحسب ما مدون في ملف جهاز المخابرات وفيه الكثير من التفاصيل التي تعري مسؤولي النظام السابق من رئيس الجمهورية الى ابنائه ومروراً باخوته ووزراء العهد المباد، والذي يطلع عليها يلاحظ مدى السقوط الاخلاقي والشذوذ السلوكي والتربية المنحرفة لدى هؤلاء الذين كانوا يقودون سدة الحكم، وبالنظر لاحتواء ملف الادانة على الكثير من التفاصيل، سنقتصر على ابرز الاعترافات ، مع تعديلنا للعبارات التي اطلقها المرحوم السهل باللهجة العامية التي تتضمن مفردات القذف والتهجم على ازلام النظام السابق، بلغة فاحشة لاتتماشى مع توجهات الصحيفة ولغة الصحافة واليكم ما تضمنه التسجيل بصوت الفنان السهل وحسب ما مدون في الوثيقة :
عدي والفنانات العرب بعد انتهاء حفلة المطربة سيمون... الناس كلها تطلع من القاعة بعد انتهاء الحفلة، طالب القره غولي يقول لسيمون: اكعدي،
نص الادانة ورد نص الادانة للفنان صباح السهل، التي تم تفريغها من الشريط المسجل، وحسب ما مدون في ملف جهاز المخابرات وفيه الكثير من التفاصيل التي تعري مسؤولي النظام السابق من رئيس الجمهورية الى ابنائه ومروراً باخوته ووزراء العهد المباد، والذي يطلع عليها يلاحظ مدى السقوط الاخلاقي والشذوذ السلوكي والتربية المنحرفة لدى هؤلاء الذين كانوا يقودون سدة الحكم، وبالنظر لاحتواء ملف الادانة على الكثير من التفاصيل، سنقتصر على ابرز الاعترافات ، مع تعديلنا للعبارات التي اطلقها المرحوم السهل باللهجة العامية التي تتضمن مفردات القذف والتهجم على ازلام النظام السابق، بلغة فاحشة لاتتماشى مع توجهات الصحيفة ولغة الصحافة واليكم ما تضمنه التسجيل بصوت الفنان السهل وحسب ما مدون في الوثيقة :
عدي والفنانات العرب بعد انتهاء حفلة المطربة سيمون... الناس كلها تطلع من القاعة بعد انتهاء الحفلة، طالب القره غولي يقول لسيمون: اكعدي،
يابه ليش اكعد موخلصت الحفلة اريد اروح،
قال: عندنا اوامر انه تبقين ، يابه طالب كلتله ليش تبقه... كلي صباح انت مالك علاقة... اباوع فوك اشوف عدي والعصابة مالته فوك، اكو صالة فوك ، الحماية نزلوا واخذوها... وحق هذا الماي، شاورني ياسين الشيخلي يتمضحك كلي صاحبك ظل يكود لعدي. بس فلتت منهم وحدة ، حتى ماجدة الرومي اخذوها، بس فلتت امينة فاخت، انهزمت واخذت تكسي من الشارع وعافت فرقتها الموسيقية، هم جان عدي فوك وكال احجزوها، لكن امينة فاخت شلعت!!زوجته : مو اني ما اصدك ليش ينزلون سمعة العراق لهذه الدرجة؟
صباح: وداعتج هي بالضبط ليش ما تصدكين، مو اني بالوسط الفني واعرف.
زوجته: يعني اكول معقولة سمعة ابوهم ؟
صباح: ابوهم انكس منهم... ابوهم كله هنديات وفرنسيات ، هذا صدام من يسكر يطلع الزباد من حلكه .
زوجته : منو .
صباح: صدام حسين، وحق هذه النعمة، ما عنده غير السكر والبنات لعد شنو هذه الصورة، التي تشوفيها انت في التلفزيون والاعلام تختلف عن الحياة الطبيعية... هذا سعد نسيب ابو علي، هذا يكود لعدي، شكو بنات بالمعهد او بالاكاديمية يجيبهم.. لعد شعبالج، وحق هذه النعمة... البارحة كدامي اجتني وحدة، كالتلي انت موصديق عدي... بنات ياخذوهن بالكوة، الكلية تمنح شهادات لو..... شلون احنا درسنا في المعهد .
هذه النعمة... البارحة كدامي اجتني وحدة، كالتلي انت موصديق عدي... بنات ياخذوهن بالكوة، الكلية تمنح شهادات لو..... شلون احنا درسنا في المعهد .
هذه النعمة... البارحة كدامي اجتني وحدة، كالتلي انت موصديق عدي... بنات ياخذوهن بالكوة، الكلية تمنح شهادات لو..... شلون احنا درسنا في المعهد .
زوجته: زين شلون يفتهمون لعد هالفهم هذا ؟
صباح: مو فهم هذا سياسي.. العصابات الدولية يعرفوها كلش زين برزان بدايته معروفة على الشقاوات اللي بغداد في البداية الشقاوات كلهم خلاهم يكتلون الحزبيين المعروفين اللي جانوا كبله كلهم اغتالهم، بعدين كتل الشقاوات اللي كتلوا هذولة في النهاية... لادراسة ولا صخام هذا بالثالث راسب.
زوجته: معقولة؟
صباح: هذولة عصابة، عزايمهم سهر وليل... عدي ما له علاقة بالاذاعة والتلفزيون، له علاقة بعادل عكلة ومحمود انور وهسه هل الايام كاظم الساهر وعلي العيساوي يومية حفلات وهو كاعد بيها.ويذكر صباح السهل في معرض حديثه، كنا انا وقيس” المقصود هو قيس حاضر “، كاعدين وراح عدي للتواليت، قيس كال كوم نطلع احسن، ولا كانا في الممر ، لاكينا ابن رئيس الجمهورية عدي الكلب، قيس كال من نسلم عليه، راح يسلم علينا، سألني لو لازم نسلم عليه كتله قابل نحتقره ونطلع منسلم عليه، لا كاني بوجهي، كال: ها صباح شو انت ماكو، كتله الشغلة يمكم ، كل ما اسأل التنسيق يكولولي يمكم الفوق انتم الفوق فقال: لا ما يكون الا خاطرك طيب... من طلعنا كلي قيس بغضب موكتلك، لاتسلم عليه، كتله قابل يلاكينا ابن رئيس الجمهورية بالممر ومنسلم عليه. هم الهم كعداتهم وكحابهم، اني ليش انهزمت.
زوجته: الرئيس يسمع هيج يسوي ابنه؟
صباح: لايسمع الرئيس ويدري ابنه
صباح: ويسكتله ، قتل المرافق ما له، الخادم اللي يشيل سترته ويداريه، كتله وعفه عنه، مو قتل كامل حنا، على اساس سجنه، كلاوات ، بعدين وزارة العدل تطلب الرحمة من صدام حسين بخصوص عدي، شنو ها الكلاوات .ويضيف صباح: يخطفون المرأة من ي الطفل، ذولة كرايبهم واخوان الرئيس وولد خير الله.
صباح: ويسكتله ، قتل المرافق ما له، الخادم اللي يشيل سترته ويداريه، كتله وعفه عنه، مو قتل كامل حنا، على اساس سجنه، كلاوات ، بعدين وزارة العدل تطلب الرحمة من صدام حسين بخصوص عدي، شنو ها الكلاوات .ويضيف صباح: يخطفون المرأة من ي الطفل، ذولة كرايبهم واخوان الرئيس وولد خير الله.
كما يسترجع شيئاً من ذكرياته ضمن الشريط المسجل والمدون في ادانة في ملفات المخابرات ، على صعيد التربية التسلطية وبعض ما خلفوه من عقد سادية لدى ابنائهم . ومعاملة الاخرين وحتى الفنانين وكانهم عبيد، اقتداءً بآبائهم.
ويذكر الفنان السهل، انه ذهبت الى تكريت أغني بحفلتين ، رادوا يكتلوني اني وامل خضير وسهام محمد، نجدة اجت حمتنا رادوا يبوكون امل وسهام، اطفال بعمر 14 ـ 15سنة ، بايدهم مسدسات، وفي نيتهم ان ياخذوهن، صدام حسين كلاوجي وسختجي.... يغارون من كل الشعب ومن المحافظات، لانهم عشائر وعندهم اصل، وهـم ماعدهم اصل .
يستطرد السهل وهو يكشف عن واقع الفن في العراق، وان دائرة الاذاعة والتلفزيون صارت بيد ابناء المسؤولين، ويذكر ان ولد خير الله طلفاح، أكو واحد يحجي وياهم، بالنعال يضربون مدير التلفزيون ومدير الاذاعة .
السهل يتنبأ باعدامه!
زوجته: معقولة ينزلون هل نزلة ؟
صباح: معقولة شنو، انت شعبالج، هذوله سفلة كاولية، جان يدكون بالربابة، هذولة عصابة في الجعيفر والله اني مستعد ان اعدم واحجي هذه واموت، احجي وارتاح، خلي يعدموني روحي كليلهم ، واني اواجه هذولة السفلة. انه موعندي علاقات ويه ناس بالمخابرات والقصر ويحجولي، حجي يخبل من يسكر صدام يخر من حلقه الويسكي والزباد، وجلساته بيه بنات هنديات واسبانيات وفرنسيات... الله اكبر كلها كلاوات.
وكاي انسان رافض لظلم صدام وحكم عائلته، كان ناقماً على الوضع المزري للعراق، الذي تحول الى اقطاعية يتصرف بها الصداميون والبعثيون، بمجون واستهتار ، فهو يذكر في حوار مع زوجته العشائر العراقية وكيف اخضعها الى سيطرته ، ويقول :صباح: بالروح بالدم نفديك ياصدام،
لسان رؤساء العشائر مستولي عليهم، ماكو رؤساء العشائر، كتل وذبح الشرفاء منهم، يطعمهم ويطمهم فلوس، الانسان طماع، كل رئيس عشيرة، يشعر بضعف من صدام، واي واحد، يثير غضبه يكتله ويكتل عائلة طريقة انكليزية مضبوطة، يعني هم ازمايل الانكليز!.
لسان رؤساء العشائر مستولي عليهم، ماكو رؤساء العشائر، كتل وذبح الشرفاء منهم، يطعمهم ويطمهم فلوس، الانسان طماع، كل رئيس عشيرة، يشعر بضعف من صدام، واي واحد، يثير غضبه يكتله ويكتل عائلة طريقة انكليزية مضبوطة، يعني هم ازمايل الانكليز!.
زوجته: بس العشائر يجونه من كل مكان؟
صباح: صدام حول البلد الى اقطاعية وعشائرية، وانطاهم سلاح، شلون مختار المحلة ترشيه بالفلوس، اتكله جيب فلان وفلان، تطلبهم الدولة، حول البلد الى مجموعة اقطاعيات في كل مكان، وكل واحد يؤذي الحكومة، يؤذوه ويؤذون عائلته ويجيبوه، وهو ضد الحرية والوحدة الاشتراكية، هذا مبدأ الحزب، عبد الكريم قتلوه، لانه بنا بيوت للفقراء، احمد حسن البكر، ما قبل يعتدي على ايران ويعمل حرب، استولى عليه وكتله بالابر ، والاميركان سهلولة المهمة .
واخر كلمات قرأناها في ملف الفنان المرحوم صباح السهل كانت في افادته ومنها: ان صدام حسين حقير، بس عدنان خير الله شريف، وان صدام اميركي ومتفق مع اسرائيل على ضرب النجف، خطة... اميركا واسرائيل هم اللي انطوا ، الحبل مثل ما انطوه الحبل واعتدى على ايران .سبعاوي، هسه دكتور ومدير الامن العامة وجان مدير مخابرات ، وهو كان بنجرجي في تكريت، كلهم لا شهادة، ولاشيء... هذولة لازم يخلوهم في ساحة التحرير ويقطعونهم بمنشار كهربائي، معقولة الطماطة تصير 250 دينار ابو اللحم عدي وابو الدجاج عدي، والاراضي اخذها خير الله طلفاح واشتراها بالقوة
