السبت، 15 أغسطس، 2015

من روائع الشاعر الكبير كاظم اسماعيل كاطع

ميز جرح 
عن جرح.. 
بيهن يطيب بزعل 
بيهن يطيب بصلح 
بيهن وفي ويستحي 
بيهن عنيد او وكح 
بيهن تحطله دوه 
بيهن تحطله رمح 

واعذرني لو غمضت
سهرني وما نمت
ثرثار وشكد يلح 
ما سامح الي جره
ولا فاد شعر السرح
* * *‏
بيه طبع من الفجر
شايل هوية غجر
الليل يكضيه سهر
وينام وكت الصبح
* * *‏
ميز جرح ..عن جرح
لتلوم يا لايمي
جرحي طلع عالدرب
ويجوز ما ينصلح
جرحي يجيب الليل
والشمس وكت الصبح 
* * *‏
اسكت إخيرا".. وأهم
من نحجي وك ننفضح
شايل هوية غجر
الليل تكضيه سهر
وتنام وكت الصبح

ليست هناك تعليقات:

إرسال تعليق