السبت، 19 مارس، 2016

ولاجني

قصيده للشاعر عريان السيد خلف
.................. ولاجني...............

اعز من روحي اعزك وانت اعز مني
ياحسبة عمر خاويتهة من صباي
بطلت صفنتي ومابطلت مني
اجس كلبي الفضي متعوب حد الويل
وادعيلة الصبر عن لايفشلني
جسيت الليالي بمرود الحلوات
وسنين العمر بالشيب جسني
اضحك للبجو حد شرهة المنكود
وابجي بكل مزنتي الطور المغني
لاغرني المدح بشفاف المحبين
ولا همني بشماته شما حجو عني
يلتمن علية مشتات البال
وانفضهن نفض وانهض ولاجني
وينشدني صديقي الما نشد عني
كبل طبعك الونة وصاير تغني
كبل عينك محطة وخاطرك مكسور
وهسة على الثجالة تفوت متحني
واجيبة بكل برود وعودتي بسني 
استراحت مستحاتي وعاكستني الريح
لاني من الهموم ولا الهم مني
انة ابن العاصيات من الليالي السود 
لا اريد الكماري ولهن يردني
اضعتني امي بدمعهة من عرفت الصوت 
وغطتني بحزنهة من مشت عني
اكول تغيرت والناس ماهي الناس
رضاعة قواطي وخيبو ظني

ليست هناك تعليقات:

إرسال تعليق